Երևանում արդեն չորրորդ օրն է՝ քաղաքացիները բոյկոտում են տրանսպորտի ուղեվարձի թանկացումը։ Բայց կան նաև քաղաքացիներ, որոնք արդեն ավելացված ուղեվարձն են վճարում փոխադրման համար։
Նշենք, որ Հայաստանի բոլոր ընդդիմադիր քաղաքական ուժերը՝ սկսած ամենառուսամետից մինչև ամենաարևմտամետը, կոչ են արել բոյկոտել մայրաքաղաքի տրանսպորտի ուղեվարձի թանկացումը՝ դա անվանելով չարդարացված և հակաօրինական։
Հիշեցնենք, որ Երևանի ավագանին, հանրային ճնշման տակ հերթական զիջման գնալով, որոշում է ընդունել ուղեվարձը սահմանել 150 դրամ, նաև կգործեն տոմսերի միասնական համակարգի փաթեթներ։