Ախալքալաքի շրջանի Դավնիա գյուղում՝ փետրվարի 1-ին, խաչի բացման և օրհնության հանդիսավոր արարողություն է կատարվել:
Նախաձեռնության հեղինակներն ու կատարողները հենց Դավնիայի բնակիչներն են։ Ջավախքի ընդհանուր առաջնորդական փոխանորդության ֆեյսբուքյան էջից տեղեկանում ենք, որ խաչի օրհնության կարգը կատարել են Ջավախքի ընդհանուր առաջնորդական փոխանորդության հոգևորականները:
Մետաղական մեծ, պահապան խաչը տեղադրվել է Դավնիա գյուղի մուտքին: Խաչի օրհնության հանդիսավոր արարողության ավարտին՝ բնակիչները շուրջպար են բռնել։ Այնուհետեւ գյուղի հանդիսությունների սրահում կատարվել է մատաղի հյուրասիրություն։
Լուսակնարները՝ Ջավախքի ընդհանուր առաջնորդական փոխանորդության ֆեյսբուքյան էջից
