Վրաստանի Ժողովրդական պաշտպանը կոչ է անում Հատուկ քննչական ծառայությանը անհապաղ հետաքննություն սկսել երեկ տեղի ունեցած փաստերի վերաբերյալ և պատասխանատվության ենթարկել համապատասխան անձանց։
Ինչպես նշվում է հաղորդագրության մեջ, յուրաքանչյուր միջադեպի վերաբերյալ Ժողովրդական պաշտպանը կձեռնարկի դատական գործողություններ։
«Ինձ անհանգստացնում են քաղաքացիների, լրագրողների և քաղաքական գործիչների նկատմամբ ոստիկանության վատ վերաբերմունքի և չափից դուրս ուժի փաստերը, ինչպես պատկերված են հանրային աղբյուրներում տարածված տեսագրություններում։ Տեղեկություններ են տարածվում նաև TV Pirveli-ի վիրավոր օպերատորի մասին։ Ուղիղ եթերում տեսանք նաև ոստիկանների կողմից կանանց, այդ թվում՝ կին քաղաքական գործիչների նկատմամբ բանավոր բռնության կադրեր: Ժողովրդական պաշտպանը դատապարտում է ոստիկանության ծառայողների բոլոր տեսակի ապօրինի գործողությունները, հատկապես՝ վատ վերաբերմունքը։ Ժողովրդական պաշտպանը յուրաքանչյուր դեպքի առնչությամբ կձեռնարկի իրավական միջոցներ։ Ժողովրդական պաշտպանը կոչ է անում Հատուկ քննչական ծառայությանն անհապաղ հետաքննություն սկսել այս բոլոր փաստերով և քրեական պատասխանատվության ենթարկել համապատասխան անձանց։ Կոչ ենք անում նաև ՆԳ նախարարության գլխավոր տեսչությանը ծառայողական քննություն անցկացնել ոստիկանության ծառայողների կողմից բանավոր վիրավորանքի և ոչ բարոյական վարքագծի փաստերով։ Ժողովրդական պաշտպանի ներկայացուցիչները կայցելեն բոլոր բերման ենթարկված քաղաքացիներին, այդ թվում՝ քաղաքական գործիչներին։ Լրացուցիչ տեղեկատվություն հանրությանը կտրամադրվի ավելի ուշ: Ժողովրդական պաշտպանի գրասենյակի թեժ գիծը՝ 1481, գործում է 24 ժամ՝ մարդու իրավունքների խախտումների մասին հաղորդումներ ստանալու համար»,- ասված է Ժողովրդական պաշտպանի հայտարարության մեջ։