«MagtiCom» ընկերությունը հայտարարություն է տարածել բջջային և ֆիքսված ինտերնետ ծառայությունների խափանումների վերաբերյալ։
«Հունվարի 27-ին «MagtiCom»-ի բջջային և ֆիքսված ինտերնետ ծառայությունների խափանում է գրանցվել։ Տեղեկացնում ենք, որ «MagtiCom» ընկերության ինտերնետ կապը դեպի Վրաստան իրականացվում է Եվրոպայից՝ ապահովագրված կապուղիներով։ Հունվարի 27-ին հայտնի է դարձել Թուրքիայում վնասված մալուխի մասին, որտեղ ձյան առատ տեղումներն ու ձնահյուսի վտանգը թույլ չեն տվել գործընկեր ընկերության տեխնիկական խմբերին հասնել վնասի վայր։
Ինչ վերաբերում է պահուստային մայր ալիքին, ապա հունվարի 27-ին ժամը 21:21-ին վրացական կողմի երեք կետերում՝ Աջարիայի տարածքում, կասկածելի վնաս է նկատվել (փոխանցվել է իրավապահ մարմիններին)։ Խնդիրները վերացնելու համար ընկերության տեխնիկական թիմն աշխատել է արտակարգ ռեժիմով, և հունվարի 28-ին ժամը 01:54-ին երեք խափանումներն էլ ամբողջությամբ վերացվել են։ Պատճառվող անհարմարությունների համար հայցում ենք ձեր ներողամտությունը»,- ասված է «MagtiCom» ընկերության հայտարարության մեջ։
