Գյուղատնտեսական նշանակության հողերի գրանցման անվճար պետական ծրագիրը 2024 թվականին չավարտվեց, այն երկարացվեց մեկ տարով։ Ախալքալաքի մունիցիպալիտետում գրանցման գործընթացը շարունակվում է: Մարդիկ, ովքեր գրանցում են իրենց հողամասերն այս ծրագրով, կարող են ստուգել իրենց հողամասի գրանցման կարգավիճակը Հանրային ռեգիստրի կայքում, անցնելով այս հղումով՝ slr.napr.gov.ge.
Գյուղատնտեսական նշանակության հողերի անվճար գրանցման ծրագրի շրջանակներում, Վրաստանում գործընթացը պետք է ավարտվեր մինչև 2025 թվականի հունվարի 1-ը, սակայն գործընթացը երկարաձգվել է, և այս տարվա նոյեմբերի 1-ի որոշման համաձայն, համակարգային գրանցումը կշարունակվի մինչև 2026 թվականի հունվարի 1-ը։
Ախալքալաքի մունիցիպալիտետում Հանրային ռեգիստրի աշխատակիցներն Ախալքալաքում և գյուղերում հստակեցրել, նույնականացրել և չափագրել են բնակիչների հողամասերը։ Այս տարի նույնպես այս գործընթացը շարունակվում է, սակայն, մեր տեղեկություններով, գրանցման գործընթացը նույնպես արդեն առաջ է ընթանում։
Յուրաքանչյուր անձ կարող է իմանալ, թե որ փուլում է իր գույքի գրանցումը Հանրային ռեգիստրի slr.napr.gov.ge կայքում։ Այս կայքում, համապատասխան դաշտերում գրելով գյուղի կամ քաղաքի անունը, անունը, ազգանունը, անձնական համարը կամ կադաստրային կոդը՝ կարող եք տեղեկություններ իմանալ Ձեր հողամասի գրանցման գործընթացի ընթացքի մասին։ Այս կերպ իրենց գույքի մասին տեղեկություններ կարող են իմանալ նաև իրավաբանական անձինք։
Ախալքալաքի մունիցիպալիտետում գյուղատնտեսական նշանակության հողերի և տների անվճար գրանցումը սկսվել է 2022 թվականի դեկտեմբերին՝ Դիլիսկա գյուղից։ Դրանից հետո մունիցիպալիտետում գործընթացը մեկ տարի չէր վերսկսվում։ 2024 թվականից Ախալքալաքում խմբերն ինտենսիվորեն աշխատում են տվյալների չափման և ճշգրտման ուղղությամբ:
