ՆԳՆ տվյալներով՝ 2024 թվականի առաջին 9 ամիսներին հանրապետությունում արձանագրվել է ճանապարհատրանսպորտային 1563 պատահար, ինչի հետևանքով տուժել է 2045, զոհվել՝ 125 մարդ։ Եթե նայենք վերջին 5 տարվա տվյալները, ապա ճանապարհատրանսպորտային պատահարներից զոհվածների թիվը տատանվում է 400-450-ի սահմաններում։
«Վթարների հետևանքով ամեն տարի մեկ գյուղի բնակչություն մահանում է։ Նախորդ մարդահամարների համաձայն՝ Վրաստանում գտնվող գյուղերի բնակիչների միջին թիվը կազմում էր մոտ 400 մարդ։ Կան գյուղեր, որտեղ մի քանի հազար մարդ է ապրում, բայց միևնույն ժամանակ կան գյուղեր, որտեղ ընդամենը մի քանի մարդ է ապրում, իսկ 2014 թվականի մարդահամարի տվյալներով՝ մոտ 123 գյուղում նույնիսկ մեկ մարդ չկա»,- ասում է Սոսո Արչվաձեն։
Տնտեսագետը նշում է, որ վերջին տարիներին դժբախտ պատահարների հետևանքով զոհվածների թիվը փոքր-ինչ նվազել է, թեև տվյալները բնակչության նկատմամբ էական բարելավում չեն ցույց տալիս (հաշվի առնելով, որ բնակչության թիվը նույնպես նվազում է)։
«Վերջին տարիներին դժբախտ պատահարների հետևանքով զոհվածների թիվը նվազել է, սակայն այս ընթացքում նվազել է նաև Վրաստանի բնակչությունը։ Իրականում, դժբախտ պատահարներից զոհվածների թիվը բնակչության համեմատ առանձնապես չի նվազել։ Վթարների քանակն ունի իր պատճառները՝ դրանցից մեկն այն է, որ մեքենաների թիվն ավելանում է, իսկ մեքենաների աճն առաջ է անցնում մայրուղիների ու միակողմանի ճանապարհների կառուցումից։ Ճանապարհի մի հատվածում մեքենաներն էլ ավելի են շատանում, և բացի այդ, Վրաստանի տարանցիկ գործառույթը և մեծ թվով բեռնատարները մեծացնում են վթարների վտանգը»,- ասում է Սոսո Արչվաձեն։
