Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի (Փոստա)-Կոբի հատվածում վերականգնվել է կցորդավոր և կիսակցորդավոր տրանսպորտային միջոցների երթևեկությունը։
Շրջակա միջավայրի ազգային գործակալության տեղեկացմամբ՝ Գուդաուրի (Փոստա)-Կոբի և Ստեփանծմինդա-Լարս հատվածներում տրանսպորտային միջոցների երթևեկությունը իրականացվում է առանց կանգառի` Գուդաուրի (Փոստա)-Կոբի հատվածում միայն ձնահոսքի պաշտպանության թունելներով։
Գուդաուրի (Փոստա)-Կոբի հատվածում 22-ից ավելի նստատեղ ունեցող (բացառությամբ վարորդի նստատեղի) ուղևորների տեղափոխման համար նախատեսված կցասայլերի, կիսակցորդների և M3 կարգի տրանսպորտային միջոցների տեղաշարժը թունելներում կիրականացվի միակողմանի:
