Դեկտեմբերի 29-ին Վրաստանի խորհրդարանը հայտարարություն է տարածել օրենսդիր մարմնի շենքում անվտանգության լրացուցիչ միջոցների մասին։
«Վրաստանի նախագահի երդմնակալության արարողությունն անցկացնելու համար այս տարվա դեկտեմբերի 29-ին Վրաստանի խորհրդարանի պալատում կգործի անվտանգության դեղին մակարդակ՝ այցելուներին արգելվում է մուտք գործել խորհրդարանի պալատ։
Միջոցառումը լուսաբանել ցանկացող լրատվամիջոցները պետք է դիմեն Վրաստանի խորհրդարան՝ հատուկ հավատարմագրման համար։ Մեկ լրատվամիջոցի համար հավատարմագրված է ոչ ավելի, քան երկու խումբ։
Միջոցառումը լուսաբանելու նպատակով խորհրդարանի պալատի Ռուսթավելիի դահլիճում (Բ շենք, 0-րդ հարկ) կկազմակերպվի մեդիա տարածք, որտեղից լրատվամիջոցների ներկայացուցիչները հնարավորություն կունենան հետևել երդմնակալությանը և ձայնագրել հարցվողներին։ Վրաստանի խորհրդարանը կապահովի ազդանշանի տրամադրումը՝ երդմնակալության արարողության ուղիղ հեռարձակման համար»,- ասված է հայտարարության մեջ։
