Չինական խոշորագույն Air China ավիաընկերությունը սկսել է թռիչքներ իրականացնել դեպի Վրաստան։
Փոխադրողը գործարկել է Ուրումչի-Թբիլիսի-Ուրումչի երթուղով չվերթերը, որոնք կիրականացվեն շաբաթական երեք անգամ՝ չորեքշաբթի, ուրբաթ և շաբաթ օրերին:
Թռիչքի ժամանակն Ուրումչիից 5 ժամ 20 րոպե է, հակառակ ուղղությամբ՝ 4 ժամ 40 րոպե։ Տոմսի արժեքը ներառում է մինչև 23 կգ ուղեբեռ և ձեռքի ուղեբեռ։
Ուրումչի → Թբիլիսի
795 լարիից՝ հղումով
Թբիլիսի → Ուրումչի
749 լարիից՝ հղումով
Բացի այդ, ներկայումս բանակցություններ են տարվում Թբիլիսիի և Պեկինի միջև կանոնավոր չվերթներ բացելու շուրջ։
Air China-ն երկրորդ չինական ընկերությունն է երկրի ավիացիոն շուկայում China Southern Airlines-ից հետո։ Ընթացիկ տարվա հունվարից սեպտեմբեր ամիսներին Չինաստանից Վրաստան է այցելել 66 485 ուղևոր։
