Ախալքալաքի քաղաքապետարանի ֆեյսբուքյան էջից տեղեկանում ենք, որ Ախալքալաքի մունիցիպալիտետի կազմում ընդգրկված 64 գյուղերից, մի քանի վարչական միավորներում ճանապարհների մաքրման ինտենսիվ աշխատանքներ են ընթանում։

Այս փուլում հատուկ տեխնիկա է աշխատում հետևյալ գյուղերում՝

Տուրցխ, Լոմատուրցխ, Մոդեգամ, Կաջո, Ալաթուման, Ղադոլար, Օլավերդ, Բուռնաշեթ, Ազավրեթ, Վարևան, Կոկիո, Բեժանո, Ալաստան։

«Անհրաժեշտությունից ելնելով՝ աշխատանքներն աստիճանաբար շարունակվում են նաեւ մյուս գյուղերում։ Զուգահեռ ռեժիմով ավտոճանապարհներին թափվում է տեխնիկական աղ: Էլեկտրաէներգիան բոլոր վարչական միավորներին մատակարարվում է անխափան։ Քաղաքապետի ներկայացուցիչները վարչական միավորներում մշտական կապի մեջ են և ինտենսիվ տեղեկատվություն են տրամադրում բնակչությանը»,- ասվում է հաղորդագրության մեջ։