Տեղական ինքնակառավարման մարմինների ընտրությունները կանցկացվեն հին ընտրակարգով, մեծամասնական ընտրակարգով կընտրվեն ավելի շատ պատգամավորներ, այդ նպատակով «Վրացական երազանքը» նախաձեռնել է փոփոխություններ «Ընտրական օրենսգրքում»։ Այն փոխում է տեղական ինքնակառավարման մարմինների ընտրությունների բոլոր այն կանոնները, որոնք արտացոլված էին ընտրական օրենսդրության մեջ մինչև 2021 թ.-ի մունիցիպալ ընտրությունները, և որոնք, նաև «Շառլ Միշելի հետ համաձայնագրի» շրջանակներում, իշխող կուսակցության և ընդդիմադիր միավորումների միջև ձեռք բերված համաձայնության մաս էին կազմում։
Ըստ այդ պայմանավորվածության՝ ավելացվել է համամասնական ընտրակարգով ընտրված Սակրեբուլոյի անդամների թիվը, իսկ մեծամասնական ընտրակարգով ընտրված անդամների թիվը կրճատվել է։ Իջեցվել է նաև համամասնական ընտրակարգով ընտրված Սակրեբուլոյի անդամների ընտրական շեմը։
«Վրացական երազանք»-ի նախաձեռնությամբ խորհրդարան է ներկայացվել օրինագիծ, որը պետք է արագ քննարկվի, որում նշված է, որ 2025 թվականի տեղական ինքնակառավարման մարմինների ընտրություններին պետք է վերադարձվի 4 տոկոսանոց ընտրաշեմը։ 2021 թվականի համաձայնագրով Թբիլիսիի Սակրեբուլոյի անդամները համամասնական ընտրակարգով ընտրվել են 2,5 տոկոսանոց ընտրաշեմով, իսկ շրջաններում՝ 3 տոկոսանոց։
Ինչ վերաբերում է մեծամասնական ընտրակարգով Սակրեբուլոյի ընտրողների թվի ավելացմանը, ապա այս ուղղությամբ «Վրացական երազանքը» ներկայացրել է հետևյալ փոփոխությունները.
Ինչ վերաբերում է Թբիլիսիի Սակրեբուլոյին, ապա ներկայումս նրա 50 անդամներից 10-ը մեծամասնական են, իսկ 40-ը՝ համամասնական ցուցակով ընտրված պատգամավորներ։ Փոփոխությունների համաձայն՝ Սակրեբուլոյի 50 անդամներից 25-ը կընտրվեն մեծամասնական ընտրակարգով, իսկ մնացած 25-ը՝ համամասնական ընտրակարգով։
