Jnews-ը ներկայացնում է Ախալքալաքում փոքրիկ ուսումնասիրություն իրականացրած հոգեբանի օրագրից նյութ՝ տղամարդկանց վերաբերմունքը կանանց և հակառակի մասին, ինչպես նաև այն մասին, թե որն է իդեալական տղամարդը Ախալքալաքի աղջիկների համար և որն է իդեալական աղջիկը տղամարդկանց համար։
28 տարի անց, վերադառնալով հայրենիք, ես սրտի թրթիռով ու հուզմունքով սպասում էի լավ փոփոխություններին իմ սիրելի քաղաքում՝ Ախալքալաքում։
Պատկերացրեք իմ զարմանքը, երբ 2024 թվականին հանդիպեցի նախնադարյան վիճակին և երկակի ստանդարտների քաղաքականությանը, տղամարդկանց վերաբերմունքին կանանց նկատմամբ։
Կարծես իմ հրաշալի ժողովուրդը պետք է առաջադիմի ու զարգանա։ Այո, ինչ-որ տեղ կենցաղային հարցերում դա հենց այդպես է, բայց ինչու հենց կնոջ նկատմամբ հարգանքի թեման վատթար վիճակում է:
Ախալքալաք քաղաքում գտնվելու մեկ տարվա ընթացքում ես ամեն օր տեսնում եմ նույն խնդիրը՝ կանայք սպասարկող անձնակազմ են, ովքեր երբեմն ձայնի և ընտրության իրավունք ունեն։ Քաղաքն ամբողջությամբ արական է։
Աղջիկներին մանկուց սովորեցնում են հնազանդություն, և որ յուրաքանչյուր տղամարդ իրավացի է, նա է գլխավորը, և դա ընդունված չէ վիճարկել։ Աղջիկները մեծանում են հենց այս մտքով: Սերնդեսերունդ, մի ընտանիքից՝ մյուսը։
Տարբեր տարիքի կանանց հետ շփվելիս նկատում ես, որ բոլորը գործնականում նույն վերաբերմունքն ունեն՝ տղամարդը տան գլուխն է, իսկ դու լսում ու անում ես այնպես, ինչպես տղամարդն է ասում։ Եվ սա նորմալ է բոլորի համար:
Տղամարդկանց այստեղ թույլատրվում է գրեթե ամեն ինչ, բայց աղջիկների համար նույնիսկ անվնաս զբոսանքը դա արդեն մեծ խնդիր է։
Նայելով այսպիսի անարդարության՝ անընդհատ անօգնականության ու վրդովմունքի զգացում եմ ունենում։
Երբ հարցնում ես տեղացի տղամարդ երիտասարդներին՝ ինչպիսի՞ն է նա, լա՞վ աղջիկը:
• 85%-ը պատասխանում է՝ տանից դուրս չի գալիս և ոչ մեկի հետ չի շփվում
• 10%-ը պատասխանում է՝ գեղեցիկ, խելացի և համեստ
5%-ը պատասխանում է՝ ապահով ընտանիքից։
Ընդ որում, հարցվածներն իրենք են վարում ակտիվ սոցիալական կենսակերպ, և դա նրանց համար նորմալ բաներն են։
Ինչ-որ անհամապատասխանություն կա, այնպես չէ՞:
Աղջիկներին էլ հարցրի՝ ինչպիսի՞ն է իդեալական տղամարդը։
• 75%-ը պատասխանել է՝ աշխատասեր և փողատեր
• 15%-ը պատասխանել է՝ հարուստ ընտանիքից, լավ համբավով
• 10%-ը պատասխանել է՝ գլխավորը ախալքաքալխցի չլինի։
Ինձ համար դա տխուր պատկեր է։
Ես կուզենայի այս թեմայով երիտասարդների կողմից ավելի խելամիտ մտքեր լսել, բայց մենք ունենք այն, ինչ ունենք։
Մեծացրե՛ք ձեր դուստրերին՝ հիշելով. առաջին հերթին նրանք պետք է սիրեն և հարգեն իրենք իրենց:
Մեծացրե՛ք ձեր որդիներին՝ հիշելով. նրանք միշտ չեն լինելու մանուկ, այլ լինելու են տղամարդ իրենց ողջ կյանքում։
Հուսով եմ, որ ապագա սերունդը կունենա ճիշտ առաջնահերթություններ և ավելի շատ ճիշտ արժեքներ կկրի և կգործի խելամտորեն։
Սյուզաննա Նորվարդյան