Նոյեմբերի 30-ին, Ախալցիխեում տարբեր մասնագիտությունների տեր մարդիկ՝ ուսուցիչներ, իրավաբաններ, դերասաններ, լրագրողներ, քաղաքացիական ակտիվիստներ և ընդդիմադիր կուսակցությունների ներկայացուցիչներ բողոքում էին Եվրամիության հետ բանակցությունները դադարեցնելու որոշման դեմ։ Հանրահավաքի մասնակիցները դատապարտել են նաև ոստիկանության բռնությունները քաղաքացիական անձանց և լրագրողների նկատմամբ։ Այս մասին փոխանցում է տարածաշրջանային պորտալ sknews.ge-ն։
Թբիլիսիում և շրջաններում քաղաքացիների բողոքը հաջորդել է վարչապետ Իրակլի Կոբախիձեի հայտարարությանը, երբ պարզ դարձավ, որ «Վրացական երազանքը» չի նախատեսում վերսկսել բանակցությունները Եվրամիության հետ մինչև 2028 թվականի վերջ։
Թբիլիսիում արդեն երրորդ օրն է բազմամարդ ցույց է անցկացվում, երկու գիշեր հատուկ ջակատայինները դաժանաբար ցրում են ցույցը։ 150 մարդ ձերբակալվել է, նվազագույնը 40 մարդ վնասվածքներ են ստացել։ Որոշ շրջաններում ևս ցույցեր են ընթանում, բայց ոչ այդքան բազմամարդ։ Ախալցիխեում այսօր երկրորդ օրն է, որ ինքնաբուխ ցույց հավաքվեց։
