Նոյեմբերի 27-ին, Վրաստանի ՄԻՊ Լևան Իոսելիանին ՄԱԿ-ի կանանց կազմակերպության հետ համատեղ խորհրդակցություն է անցկացրել Ախալքալաքում։
Վրաստանի հանրային պաշտպանի գրասենյակը և ՄԱԿ-ի գենդերային կազմակերպությունը Ախալքալաքում հանդիպում են անցկացրել քաղաքացիական կազմակերպությունների և կանանց իրավունքների պաշտպանների հետ։ Հանդիպումը տեղի է ունեցել Վրաստանի հանրային պաշտպանի Ախալքալաքի գրասենյակում։
Հանդիպումը կազմակերպվել է Նորվեգիայի կառավարության ֆինանսական աջակցությամբ՝ ամրապնդելու համագործակցությունը ՄԻՊ գրասենյակի և կանանց իրավունքների պաշտպանների ու նրանց կազմակերպությունների միջև: Հանդիպման նպատակն է ուսումնասիրել շրջանում աշխատող քաղաքացիական կազմակերպությունների, կանանց կազմակերպությունների և կանանց իրավունքների պաշտպանների վիճակը, կարիքներն ու խնդիրները և ուսումնասիրել շրջանում առկա իրավիճակը, կարիքներն ու խնդիրները գենդերային հավասարության և կանանց հզորացման տեսանկյունից: Շրջանում աշխատող քաղաքացիական հասարակության կազմակերպությունների, կանանց կազմակերպությունների և կանանց իրավունքների պաշտպանների իրազեկվածության բարձրացումը, Վրաստանի հանրային պաշտպանի գրասենյակի մանդատի և համագործակցության հնարավորությունների մասին։
Հանդիպման ընթացքում շրջանի հասարակական կազմակերպությունները խոսեցին հանգուցալուծման փուլում գտնվող բազմաթիվ խնդիրների մասին, ինչպիսիք են վաղ ամուսնությունը, կրթությունը և կանանց ինքնազարգացումը, ինչպես նաև ընտանեկան բռնությունը, կանանց քվոտաները խորհրդարանում և տեղական ինքնակառավարման կառույցներում, կանանց ներգրավումը քաղաքական գործընթացներում, սեզոնային աշխատանքի (խոպանի) ազդեցությունը Ջավախքի ընտանիքների վրա և այլն։