«Ձմեռային ժամանակահատվածում՝ դեկտեմբերի 1-ից մարտի 1-ը, ճանապարհների առանձին հատվածներում տրանսպորտային միջոցների տեղաշարժը ձմեռային անվադողերով կլինի պարտադիր»,- ասվում է ՆԳՆ հաղորդագրության մեջ։
Ինչպես նաև, ըստ Վրաստանի ՆԳՆ պարզաբանումների, ձմռանը, հաշվի առնելով օդերևութաբանական պայմանները, ոստիկանությունը կարող է պահանջել մեքենաների շարժիչ անիվներին հակասայթաքող շղթաների պարտադիր ամրացում։
«Ձմեռային անվադողերը պետք է համապատասխանեն հետևյալ չափանիշներին.
Անվադողը պետք է ունենա խորհրդանիշ՝ ձյան փաթիլ։
Անվադողի պահպանաշերտի խորությունը պետք է լինի. 3 մմ-ից ոչ պակաս թեթև մարդատար ավտոմեքենաների (M1) և բեռնատարների (N1, N2, N3) համար. առնվազն 4 մմ միկրոավտոբուսների (M2) և ավտոբուսների (M3) համար:
Անվադողերի արտադրության օրվանից պետք է անցնի ոչ ավելի, քան 10 տարի:
Հակասողանքային շղթաները պետք է լինեն գործարանային արտադրության, համապատասխանեն մեքենայի անվադողերի չափսերին և հարմար լինեն ձնառատ կամ մերկասառույցով ճանապարհների վրա օգտագործելու համար:
Ձմեռային անվադողերի և հակասայթաքող շղթաների պահանջները չկատարելու դեպքում անձը կտուգանվի 100 լարիով, իսկ վարորդական իրավունքի միավորների թիվը կկրճատվի 5-ով»,- նշված է ՆԳՆ-ի տեղեկատվության մեջ։
