Այսօր՝ հոկտեմբերի 26-ին, Վրաստանում անցկացվում են խորհրդարանական ընտրություններ: Jnews-ը հետևում է Ախալքալաքում և Նինոծմինդայում ընտրությունների ընթացքին: Օրվա ընթացքում մենք կտեղեկացնենք ձեզ քվեարկության գործընթացքի և խախտումների մասին: Նյութը մեկ ժամում մի քանի անգամ կթարմացվի:
Դիլիսկա գյուղում՝ №21 ընտրատարածքում կինը մտել է քվեախցիկ։ Դիտորդը կանգնած է եղել քվեախցիկի հետևում։ Կինը հարցրել է՝ ինչ է պետք անել, այդ պահին դիտորդը մոտեցել է քվեախցիկում գտնվող կնոջը և բարձրաձայն ասել՝ 41-ին, էլ ի՞նչ։ Երբ Jnews-ը բարձրաձայնել է խախտման մասին, ընտրական հանձնաժողովի նախագահն արձագանքել է, սակայն արդեն ընտրողի ձայնը սարքը հաշվել է։
Կարտիկամ գյուղի №31 ընտրատարածքում պատին փակցված չէ ցուցադրական արձանագրությունը, որը պետք է լիներ և պարբերաբար լրացվեր։ Հանձնաժողովի քարտուղարը ցույց տվեց փաթաթված արձանագրությունը և նշեց, որ այն կլրացնեն օրվա ավարտին, ինչն է լավ, որ նա մեզ ցույց տվեց, թե չէ լրագրողները սխալ են գրում, որ չկա ցուցադրական արձանագրությունը։ Իմիջայլող այն լրացված չէր։
Առավոտից ընտրությունները դիտարկելու արդյունքում, իր տեսածի հիման վրա Jnews-ը եզրակացրել է, որ առնվազն 3 կազմակերպություն, որոնք հավատարմագրված են որպես դիտորդներ, այն էլ դրանք այն կազմակերպություններն են, որոնք ամենաշատ հավատարմագրված դիտորդներ ունեն, աշխատում են Առավոտյան ընտրությունները դիտարկելու եւ իր տեսածի հիման վրա Jnews-ը եզրակացրել է, որ առնվազն 3 կազմակերպություն, որոնք հավատարմագրված դիտորդներ են, եւ սրանք այն կազմակերպություններն են, որոնք ունեն ամենաշատ հավատարմագրված դիտորդները, աշխատում են «Վրացական երազանքի» համար: Առնվազն նրանց դիտորդներն աշխատում են իշխող կուսակցության օգտին, ակտիվորեն օգնում են ընտրողներին, մշտական կապի մեջ են նրանց հետ:
Այդ կազմակերպություններն են՝
Հարկ է նշել, որ Jnews-ը հետևել է նախկին խորհրդարանական ընտրություններին ևս, և նույն միտումը նկատել է նաև այդ ժամանակ, երբ վերջին երկու կազմակերպությունների դիտորդները չէին թաքցնում, որ աշխատում են 41-ի համար։
Ախալքալաքի Կարծախ գյուղի №36 ընտրատեղամասում ընտրական հանձնաժողովի նախագահ Հարություն Կոբելյանը փորձել է խանգարել Jnews-ի լրագողին աշխատել։ Նա մոտեցել է լրագրողին և անհարգալից կերպով ասել, որ նա չնկարի, երբ լրագրողը պարզապես լուսանկարչական սարքն է պատրաստել, չի նկարել։ Բացի այդ, լրագրողը կանգնած է եղել այն տեղում, որտեղից չի արգելվում նկարել։
Ժամը 13:04-ին, Նինոծմինդայի №3 ընտրատեղամասում ընտրողը լուսանկարել է իր քվեաթերթիկը, չնայած այն բանին, որ քվեախցիկում արգելվում է ֆոտո և վիդեո նկարահանումները։ Մեզ հաջողվեց արձանագրել այդ պահը։ Մի քանի րոպե առաջ մեկ այլ երիտասարդ նույնպես լուսանկարել է իր քվեաթերթիկը։
Վաչիան գյուղի №22 ընտրատեղամասում, ժամը 11:25-ին, ընտրողն օգնել է մեկ այլ ընտրողի կողմնորոշվել ընտրության մեջ։ Ընտրողը, ով տեսողության խնդիր չուներ, պարզապես չէր կողմնորոշվում ինչ անել քվեաթերթիկի հետ և ինչպես քվեարկել կանգնել էր քվեախցիկում։ Երկրորդ ընտրողը, ով քվեարկում էր հարևան քվեախցիկում, մոտեցավ և նշում արեց քվեաթերթիկում։ Հանձնաժողովի անդամներն արձագանքեցին միայն այն բանից հետո, երբ մենք լուսանկարեցինք, բայց ձայնն ընդունվեց։
Նմանօրինակ դեպք է տեղի ունեցել նաև Կումուրդո գյուղի №45 ընտրատեղամասում, երբ երիտասարդ կինն օգնել է տարեց կնոջը։
Քվեարկության օրվա սկիզբը
Ախալքալաքի №2 ընտրատեղամաս
2123 ընտրող
Ախալքալաքի №2 ընտրատեղամասը պատրաստ էր ընդունել առաջին ընտրողին։ Առաջին ընտրողն սպասում էր ընտրատեղամասի բացվելուն և քվեարկեց ժամը 8:00-ին։ Ժամը 8:00-ին ընտրատեղամասում էին միջազգային դիտորդներ ԵԱՀԿ-ից և Հայաստանից, ինչպես նաև դիտորդներ տեղական կազմակերպություններից։ Հանձնաժողովն աշխատում էր 16 հոգանոց անձնակազմով։ «Ուժեղ Վրաստան» կոալիցիայի հանձնաժողովի անդամն ընտրատեղամաս եկավ ժամը 8։50-ին, քվեարկեց և գնաց։
Ընտրատեղամասում էր գտնվում «Ասոցիացիա ազատ սերունդ» կազմակերպության անկախ դիտորդը, որն իրականում հանդիսանում է «Վրացական երազանքի» ագիտատորը, ինչը նա մեզանից չթաքցրեց։ Անկախ դիտորդ հավատարմագրված ևս մեկ մարդ էր գտնվում ընտրատեղամասում, որն իրականում «Երազանքի» ակտիվիստներից մեկն էր։
«Փոփոխությունների համար» կոալիցիայի ներկայացուցիչն ընտրատեղամաս եկավ առանց հավատարմագրման վկայականի, նրան ներս չթողեցին, նա փորձում էր անձը հաստատող փաստաթղթով մտնել ընտրատեղամաս։ Մեր հարցին՝ ինչո՞ւ նա իր հետ չունի հավատարմագրման վկայականը, նա ասաց, որ իրեն ասել են՝ պետք չէ։ Մի քանի րոպե անց ընտրատեղամաս եկավ մեկ այլ տարիքով կին, նույնպես կոալիցիայի ներկայացուցիչ՝ նորից առանց հավատարմագրման և անձը հաստատող փաստաթղթի։
Դպրոցի նախասրահում, որտեղ ընտրատեղամասն է, բազմաթիվ ակտիվիստներ ու քարոզիչներ կային, ինչը համարվում է երկակի խախտում, այնպես ինչպես քարոզիչներին չի կարելի գտնվել ընտրատեղամասին հարակից տարածքում, ինչպես նաև տեղամասից 100 շառավիղով արգելվում է մարդկանց կուտակումները, ինչն առավոտից նկատվում է №2 ընտրատեղամասի մոտ։
№62 ընտրատեղամաս
№62 ընտրատեղամասը ժամը 8։00-ի դրությամբ պատրաստ չէր ընդունել առաջին ընտրողին, միայն 8:07 րոպեին գրանցողները բաժանեցին քվեաթերթիկները։ Իսկ առաջին ընտրողը քվեարկեց ժամը 8:15-ին։ Այս ընտրատեղամասում խախտվեց գաղտնի քվեարկության կարգը։
Արագորեն քվեախցիկ մտավ քաղաքացին և օգնեց տարեց մարդուն քվեարկել։ Այդ քաղաքացին ուղեկցում էր տարեց ընտրողին մինչև ընտրատեղամաս և իրավունք չուներ գտնվելու տվյալ ընտրատեղամասում, քանի որ արդեն քվեարկել էր մեկ այլ ընտրատեղամասում և չուներ որևէ վկայական, որը նրան իրավունք կվերապահեր գտնվելու ընտրատեղամասում։ Հանձնաժողովի անդամները նկատողություն արեցին, որ չի կարելի նման բան անել, բայց սարքն արդեն գրանցել էր ու հաշվել ձայնը։ Իմիջայլոց այդ քաղաքացուն, ով քվեարկել էր մեկ այլ ընտրատեղամասում և այստեղ օգնեց քվեարկել տարեց ընտրողին, մեր լրագրողները նկատել են քաղաքի մեկ այլ (№1) ընտրատեղամասի տարածքում, որտեղ նա իր ծանոթներին էր բերել ընտրության։
Ընտրական գործընթացի առաձնահատկությունները
Ախալքալաքի բոլոր 3 ընտրատեղամասերում «Վրացական երազանքը» նկարահանումներ է իրականացնում, հետաքրքիր է նշել, որ նախկինում ՄԱՇ-ն էր նկարահանումներ անում։ Բոլոր ընտրատեղամասերում հաճախ սարքի հետ խնդիրներ է առաջանում։ Սարքը չի ընդունում քվեաթերթիկն առաջին անգամից, սակայն դա չի ազդում քվեարկության ընթացքի վրա, քանի որ, ի վերջո մի քանի փորձից հետո քվեաթերթիկը հայտնվում է սարքի մեջ։
