«Մենք որոշում ենք կայացրել շարունակել հողերի համակարգային գրանցումը»,- կառավարության նիստում հայտարարել է Վրաստանի վարչապետ Իրակլի Կոբախիձեն։
Կառավարության ղեկավարի խոսքով՝ կան քաղաքացիներ, ովքեր դեռ չեն հասցրել հաշվառել իրենց հողամասերը, և մինչև 2025 թվականի վերջ նրանք հնարավորություն կունենան անվճար գրանցել իրենց հողամասերը։
«Հողերի համակարգային գրանցումն այն կարևոր բարեփոխումներից է, որն իրականացվել է։ Շնորհակալություն արդարադատության նախարարությանն այն շատ կարևոր արդյունքների համար, որոնք մենք արդեն ունենք։ Ինչպես հայտնի է, այս բարեփոխման շրջանակներում չափագրվել է 1,5 մլն հողատարածք, գրանցվել է 1 մլն: Արդյունքում սեփականատեր է դարձել ավելի քան մեկ միլիոն մարդ։ Օրական չափագրվել և գրանցվել է 3500-ից 4000 հողամաս: Կարելի է պատկերացնել, թե այս ուղղությամբ որքան լայնածավալ աշխատանքներ են տարվել։ Սա շատ կարևոր նախաձեռնություն է, որը պետք է ավարտին հասցվի։ Ըստ այդմ, մենք որոշել ենք շարունակել հողերի համակարգային գրանցումը։ Կան քաղաքացիներ, ովքեր դեռ չեն հասցրել գրանցել իրենց հողամասերը, և մինչև 2025 թվականի վերջ նրանք հնարավորություն կունենան ամբողջությամբ անվճար գրանցել իրենց հողամասերը։ Եվս մեկ անգամ շնորհակալություն եմ հայտնում արդարադատության նախարարին այս շատ կարևոր նախաձեռնության համար»,- հայտարարել է վարչապետը։
