21.10.2024
Views: 327 |
Author:
Gayane Akojyan
Այս տարի Վրաստանում խորհրդարանական ընտրություները տեղի կունենան հոկտեմբերի 26-ին։ Առաջին անգամ ընտրությունները կկատրավեն երկու եղանակով՝ ինչպես ավանդական, այնպես էլ էլեկտրոնային եղանակով։ Ստորև Ձեզ ենք ներկայացնում էլեկտրոնային ընտրության ձևը։
- Անձը պետք է գնա ընտրատեղամս, որտեղ դռան մուտքի մոտ կանգնած կլինի կանաչ համազգեստով հանձնաժողովի անդամը։ Եթե դռան մոտ կան այլ ընտրողներ, ապա պետք է յուրաքանչյուրը սպասի իր հերթին։ Այնուհետև հանձնաժողովի անդամը կստուգի քաղաքացու նշմարումը (նշմարումը ստուգելու համար լապտերով լույս կգցի անձի աջ ձեռքի բթամատի եղունգին)։
- Այնուհետև հանձնաժողովի անդամը կստուգի քաղաքացու անձը հաստատող փաստաթուղթը։ Հետո քաղաքացին պետք է գնա գրանցումն իրականացնողի մետ և նրան փոխանցի անձը հաստատող փաստաթուղթը։ Գրանցումն իրականացնող անձը հաստատող վկայականը կանցկացնի հատուկ սարքով և սարքի մեջ կմուտքագրի քաղաքացու անձնական համարը։
- Սարքի էկրանը կհաստատի, որ անձը հաստատող վկայականը կամ անձնագիրը քաղաքացուն է պատկանում։ Գրանցումն իրականացնողը կանի նշմարում (աջ ձեռքի բթամատի եղունգին գրանցում իրականացնողը կլցնի անգույն հեղուկ)։
- Այնուհետև սարքից կտպվի անդորրագիրը, ինչը հաստատում է, որ քաղաքացին ներկա է գտնվել ընտրություններին։
- Քաղաքացին պետք է ստորագրի անդորագիրը։
- Գրանցում իրականացնողը ստորագրած անդորագիրը կգցի սեղանի վրա դրված փոքր տուփի մեջ։ Այնուհետև կհանձնի քաղաքացուն քվեաթերթիկը և շրջանակ-ծրարը։
- (Քվեաթերթիկը թերթ է, որի վրա գրված են ընտրություններին մասնակցող անձանց և կուսակցությունների անուններն ու համարները։ Իսկ շրջանակ-ծրարը երկու մասի ծալված թեթիկ է, որի մեջ դրվում է քվեաթերթիկը՝ գունավորված շրջանը ծածկելու համար)։
- Գրանցումն իրականացնողը քաղաքացուն կտա սև գրիչ և կբացատրի, թե ինչպես է պետք գունավորել շրջանը։
- Այդ ամենից հետո քաղաքացին պետք է գնա քվեախցիկ, ընտրի իր նախընտրած կուսակցությունը։ Մի քվեաթերթիկի վրա պետք է գունավորել միայն մի շրջան։ Ընտրություն կատարելուց հետո քվեաթերթիկը պետք է դնել շրջանակ-ծրարի թերթերի միջև այնպես, որպեսզի ոչ մեկի համար տեսանելի չլինի գունավորված շրջանը։
- Այդ ամենից հետո քաղաքացին պետք է գնա քվեատուփի մոտ, շրջանակ-ծրարը շրջելով երեսի վրա զետեղի սարքի մեջ, այնպես, որ սարքը կարողանա հաստատել քվեաթերթիկի ստացումը։ Եվ այդպիսով քաղաքացին ավարտում է քվեարկությունը, որից հետո քաղաքացին պետք է լքի քվեասենյակը։
