2024 թվականի սեպտեմբերի 30-ի դրությամբ Վրաստանի 199 109 չափահաս քաղաքացի չունի վրացական անձնագիր, էլեկտրոնային նույնականացման քարտ կամ ոչ էլեկտրոնային նույնականացման քարտ։
Այս մասին հայտնել է Արդարադատության նախարարության ծառայությունների զարգացման գործակալությունը՝ ի պատասխան «Ազգային շարժում» խմբակցության նախագահ Թինա Բոկուչավայի պատգամավորական հարցին։
Բացի այդ, փաստաթղթի համաձայն, սեպտեմբերի 30-ի դրությամբ Վրաստանում անձը հաստատող փաստաթուղթ չունեն ընդհանուր առմամբ 882 052 քաղաքացի՝ ինչպես չափահաս, այնպես էլ անչափահաս։
Ըստ գերատեսչությունից պատգամավորին տրամադրված տեղեկատվության՝ սեպտեմբերի 30-ի դրությամբ Վրաստանի քաղաքացու ակտիվ անձնագիր ունի ընդամենը 458234 քաղաքացի։ Նրանցից 293863-ը չափահաս են, 164371-ը՝ անչափահաս։
Ինչ վերաբերում է էլեկտրոնային անձը հաստատող փաստաթուղթ ունեցող քաղաքացիների թվին, ապա պաշտոնական տվյալներով՝ փաստաթուղթն ունի 3 345 274 քաղաքացի։ Նրանցից 3 203 702-ը չափահաս են, 141 572-ը՝ անչափահաս։
Բացի այդ, փաստաթղթի համաձայն, երկրում 395 քաղաքացի ունի ոչ էլեկտրոնային անձը հաստատող փաստաթուղթ։
