«Վրացական երազանքի» կառավարության «հավերժական նախարար» Թեա Ծուլուկիանին հրաժարական է տվել մշակույթի և սպորտի նախարարի պաշտոնից։
Նա հայտարարել է, որ վաղը նրա աշխատանքային վերջին օրն է։
«Վաղը իմ վերջին աշխատանքային օրն է։ Ես չգիտեմ, թե ինչ պետք է անեմ ես խորհրդարանում և ինչու են այնտեղ կանչում ինձ նման իրավաբանի»,- ասել է Ծուլուկիանին։
Ծուլուկիանին իշխող կուսակցության նախընտրական ցուցակի առաջին տասնյակում է։
Թեա Ծուլուկիանիին կարելի է համարել «Վրացական երազանքի» կառավարության ամենափորձառու նախարարը։ 2012 թվականին Ծուլուկիանին, որպես արդարադատության նախարար, միացավ վարչապետ Բիձինա Իվանիշվիլիի կողմից այն ժամանակ ստեղծված Նախարարների կաբինետին։ Այնուհետև նա մնաց նախարար ևս հինգ կառավարության ղեկավարների՝ Ղարիբաշվիլիի, Կվիրիկաշվիլիի, Բախտաձեի, Գախարիայի և Կոբախիձեի իշխանավարման օրոք:
2021 թվականի մարտին Ծուլուկիանիի՝ մշակույթի, սպորտի և երիտասարդության հարցերի նախարար նշանակվելուց ի վեր աշխատանքից ազատվել են թանգարանների, թատրոնների և մշակույթի նախարարության տարբեր գերատեսչությունների տասնյակ աշխատակիցներ։ Շատ դեպքերում նախարարությունը դա պայմանավորում էր վերակազմակերպմամբ։ Որոշ մշակութային գործիչներ Ծուլուկիանիին անվանում են «հավատարիմ Կերբերոս», իսկ նրա քաղաքականությունը՝ ռեպրեսիվ: Ծուլուկիանիի դեմ բողոքի ակցիաներ են անցկացվել, և սկսվել է ստորագրահավաք՝ #cancelThea։
Աղբյուրը՝ Newsgeorgia
