
2024 թվականի հոկտեմբերի 26-ին Վրաստանում կայանալու են խորհրդարանական ընտրություններ։ Այս տարի առաջին անգամ Ախալքալաքում ընտրողները կքվեարկեն էլեկտրոնային եղանակով։
Նախքան ընտրությունները քաղաքացիները հնարավորություն ունեն ստուգելու և պարզելու, թե ո՞ր ընտրական տեղամասում են իրենք քվեարկելու: Այդ պատճառով անհրաժեշտ է մի քանի գործողություններ կատարել, որը Ձեզանից շատ քիչ ժամանակ կխլի:
Այսպիսով, անհրաժեշտ է կատարել քայլերը հետևյալ հերթականությամբ՝
Վերոնշյալ կայքի համապատասխան դաշտում Ձեր անձնական տվյալները մուտքագրելուց հետո, կարող եք տեսնել Ձեր ընտրատեղամասին մասին տեղեկատվությունը։ Առաջին սյունակում մուտքագրեք Ձեր ID կոդը, իսկ երկրորդում՝ ազգանունը։
2. Այնուհետև սեղմեք սլաքով ցուցադրվածի վրա և էկրանին կհայտնվի այն ընտրատեղամասի հասցեն, որտեղ դուք պետք է քվեարկեք հոկտեմբերի 26-ին։
Ընդգծենք, որ այս տարի Ախալքալաքի մունիցիպալիտետում 62 ընտրատեղամասերից 28-ում կքվեարկեն էլեկտրոնային համակարգով։
Վրաստանում «Ընտրական օրենսգրքում» կատարված փոփոխությունների համաձայն՝ քվեարկությունն իրականացվելու է էլեկտրոնային համակարգի միջոցով այն ընտրատեղամասերում, որոնք գտնվում են քաղաքից ոչ ավելի, քան 20 կմ հեռավորության վրա, և որտեղ 3000-ից ոչ ավել և 300-ից ոչ պակաս ընտրող կա։