Սարգսյան փողոցում Գուսան Հավասու հուշարձանի մոտ գտնվող պուրակի շինարարությունը շարունակվում է։
Աշխատանքների համար մրցույթը հայտարարել է Ախալքալաքի քաղաքապետարանը 328 056 լարիի չափով, այն շահել է «Աբուլ 23» ընկերությունը՝ 308 888 լարի գումարի չափով։
Մրցութային փաստաթղթերի համաձայն՝ նախատեսվում է կանաչապատել տարածքը, տնկել դեկորատիվ բույսեր, տեղադրել մարզասարքեր և մանկական խաղահրապարակ, նստարաններ, գիշերային լուսավորություն։ Աշխատանքների ավարտի վերջնաժամկետը պայմանագրի ստորագրումից 80-րդ օրն է։ Համաձայնագիրը ստորագրվել է օգոստոսի 19-ին։
Ընկերության ներկայացուցիչ Վրեժ Ղազարյանի խոսքով, աշխատանքները նորմալ ընթացք ունեն։
«Գործընթացը լավ է ընթանում, նախատեսում ենք այն ավարտել առավելագույնը 1,5 ամսում։ Պուրակը կունենա մանկական խաղահրապարակ, մարզահրապարակ, նստարաններ, դեկորատիվ կամարներ։ Մենք տնկելու ենք նաև մոտ 300 դեկորատիվ թուփ, որոնք Ախալքալաքում դեռ չեն եղել»,- մեկնաբանեց նա։
Աշխատանքների արժեքը 328 056 լարի է, քաղաքապետարանն այդ աշխատանքներ կատարման համար հատկացրել էր 80 000 լարի, ապա բյուջեի փոփոխությունների արդյունքում ավելացվել է 245 056 լարի։
