Վրաստանից արդեն արտահանվել է ավելի քան 12 հազար տոննա դեղձ, ինչը 45%-ով ավելին է, քան նախորդ տարվա նույն ժամանակահատվածի տվյալները: Այս մասին հայտնում են Գյուղատնտեսության նախարարության մամուլի ծառայությունից:
«Անցյալ տարի այս ժամանակ արտահանման ցուցանիշը կազմել էր 7,5 հազար տոննա: Համապատասխանաբար, արտահանումը զգալիորեն աճել է՝ չնայած համավարակին», – ասել է Վրաստանի Գյուղատնտեսության նախարար Լևան Դավիթաշվիլին:
Վրաստանից դեղձի և նեկտարինի մեծ մասը արտահանվում է Ռուսաստան: Այս երկիր արտահանումը կազմում է ամբողջ արտահանման 64%-ը: Արտահանող երկրների առաջին եռյակում են հարևան Հայաստանը (31%) և Ադրբեջանը (4%): Վրացական մրգերն արտահանվում են նաև Ղազախստան, Սինգապուր, Ուկրաինա, Մոլդովա և Սլովենիա:
Ներկայումս սառնարանային 22 տնտեսություններ ընդունում են արտադրանքը: Ֆերմերներին վճարվում է 1-1,5 լարի յուրաքանչյուր կիլոգրամ դեղձի համար և 1,5-2,1 լարի մեկ նեկտարինի համար:
Մրգերի արտահանման հետ կապված բոլոր ընթացակարգերն իրականացվում են մեկ պատուհանի սկզբունքով: Սա արտադրողներին և արտահանողներին թույլ է տալիս ձեռք բերել բոլոր անհրաժեշտ փաստաթղթերը` առանց ավելորդ բյուրոկրատական բարդությունների: Գործընթացին ներգրավված են բուսասանիտարական և մաքսային ծառայությունների ներկայացուցիչները:
Ըստ Դավիթաշվիլիի, այս տարվա բերքը հատկապես լավ է: Ընդհանուր առմամբ, նրանք նախատեսում են սեզոնի ընթացքում Կախեթիում հավաքել 30-35 հազար տոննա դեղձ և նեկտարին:
2019 թվականին՝ սեզոնի ընթացքում, Վրաստանից արտահանվել է ավելի քան 13,2 հազար տոննա դեղձ և նեկտարին: Ընդհանուր գումարի ավելի քան 80%-ը բաժին է ընկել Ռուսաստան արտահանումից՝ 10,7 հազար տոննա
