«Vagabond»-ը՝ Բուլղարիայի անգլալեզու ամենամեծ տուրիստական ամսագիրը, գրում է Վրաստանի մասին՝ որպես անվտանգ զբոսաշրջային ուղղություն:
«2020 թ. ճանապարհորդելու ձեր ծարավը հագեցնելու համար այցելեք զարմանալի երկիր, որը խուսափել է ներկայիս համաճարակից», – գրում է Vagabond-ը:
Հոդվածում մանրամասն նկարագրվում է Վրաստանի կողմից կորոնավիրուսի տարածման դեմ ձեռնարկված կանխարգելիչ միջոցառումները: Հրատարակության համաձայն, Վրաստանը հատուկ ուշադրություն է դարձնում զբոսաշրջության ոլորտին:
«Զբոսաշրջության ոլորտի համար պատրաստվել է տնտեսական խթանների հատուկ փաթեթ: Արդյունքում, Վրաստանը պատրաստ է հուլիսի 1-ին բացել իր սահմանները: Covid-19-ի կանխարգելման համար մշակվել են խիստ հրահանգակներ, որոնք ներառում են՝ ստուգում, ախտահանում և հատուկ միջոցներ ռեստորաններում, տրանսպորտային միջոցներում և հյուրանոցներում», – ասվում է հոդվածում:
«Vagabond»-ը նաև նշում է, որ Վրաստանում ստեղծել են հատուկ «կանաչ» գոտիներ, որտեղ զբոսաշրջիկները կարող են ժամանակ անցկացնել անվտանգ, մեկուսացված միջավայրում:
«Vagabond» ամսագրում հոդված է պատրաստվել Բուլղարիայում Վրաստանի դեսպանության ներքո գործող կազմակերպության կողմից՝ հայտնում է Վրաստանի Զբոսաշրջության ազգային վարչությունը:
