Ըստ Զբաղվածության խթանման գործակալության՝ ինքնազբաղված և գործազուրկ դարձած մարդկանց փոխհատուցումը տրվում է փուլերով:
Զբաղվածության խթանման գործակալության ներկայացուցիչ Նինո Վելտաուրի խոսքերով, ինքնազբաղված և աշխատանքը կորցրած մարդկանց փոխհատուցումը, ովքեր մնացել են առանց եկամուտի, կատարվում է փուլերով:
«Մայիսի 29-ի դրությամբ համակարգում գրանցվել է ավելի քան 92 հազար ինքնազբաղված, որից 51 100 մարդու արդեն փոխհատուցում տրվել է, ընդհանուր գումարը կազմում է 15 375 000 լարի: Ինչ վերաբերում է այն աշխատողներին, ովքեր մնացել են առանց եկամուտի, այս պահին նրանց թիվը կազմում է 72.100 մարդ, ընդհանուր գումարը կազմում է 14 435 000 լարի: Մայիսին նրանց փոխանցվել է ապրիլ ամսվա փոխհատուցումը», – ասել է Վելտաուրին:
Ինչպես նշել է նա, փոխհատուցումը կատարվում է փուլերով:
«Որպես կանոն, գումարը պետք է մուտքագրվի գրանցումից ոչ ուշ, քան 10 աշխատանքային օրվա ընթացքում: Եթե անձը գրանցվել է մայիսի 15-ին, ապա համապատասխան գումարը պետք է արտացոլվի իր հաշվում 10 աշխատանքային օրվա ընթացքում: Գործատուները կարող են ցուցակները թարմացնել մինչև մայիսի 30-ը: Փոխհատուցումն այն մարդկանց, ովքեր գտնվում են նորացված ցուցակում, կկատարվի մինչև հունիսի 10-ը», – նշել է Վելտաուրին:
Ինքնազբաղվածների միանվագ փոխհատուցումը 300 լարի է կազմում: Իսկ գործազուրկ դարձած անձանց փոխհատուցումը տրվում է վեց ամիս, ամսական 200 լարի: