Այս տարվա գարնանը Կախեթիից մոտ 280 հազար ոչխար կշարժվի դեպի Սամցխե-Ջավախքի ամառային արոտավայրեր: Եվս 40 հազար գլուխ ոչխար հովիվները Աբանոյի լեռնանցքով կտանեն դեպի Թուշեթի, որի բարձրությունը 2926 մետր է:

Որպես կանոն, գործընթացը տևում է մինչև երեք շաբաթ: Կախեթիում ոչխարների դեպի ամառային արոտավայրեր տեղափոխելու սեզոնը պաշտոնապես կբացվի մայիսի 1-ին: Այս մասին հայտնել են շրջանային վարչակազմի մամուլի ծառայությունից:

Այժմ Կախեթիում ակտիվորեն պատրաստվում են տեղաշարժի սեզոնին: Անասնաբուժական հսկողության կետերում անասուններին բացարձակ անվճար ախտահանում են ախտահանիչ միջոցներով՝ Եվրամիության պահանջներին համապատասխան: Նրանք հաշվի են առնում առողջապահական գերատեսչությունների կողմից տրված հանձնարարականները` կորոնավիրուսի համավարակի պատճառով:

Ընդհանուր առմամբ, Կախեթիում կա երեք կենսապահովման կետ` Ղվարելիի, Սիղնաղիի և Դեդոփլիսծղարոյի տարածաշրջաններում: Դրանցից յուրաքանչյուրը կարող է օրական ընդունել մինչև 3 հազար անասուն:

Ոչխարաբուծությունը Վրաստանի խոշորագույն գյուղատնտեսական ոլորտներից մեկն է: 2019 թվականին երկրից արտահանվել է ավելի քան 200 հազար գլուխ ոչխար: Բացի այդ, ինչպես Վրաստանում, այնպես էլ արտասահմանում, պահանջարկ ունի ավանդական թուշեթական գուդի պանիրը, պատրաստված ոչխարի կաթից: Այս պանրի մեկ կիլոգրամի միջին գինը 20-ից 30 լարի է: