Վրաստանի կառավարությունը ներկայացրել է հակաճգնաժամային ծրագիր՝ հաղթահարելու կորոնավիրուսային համավարակի հետևանքով առաջացած տնտեսական խնդիրները: Ծրագրի հիմնական բաղադրիչներից մեկը բիզնեսին աջակցությունն է:
Վրացական իշխանությունները ծրագրում են մասնավոր հատվածին տրամադրել համաֆինանսավորման նոր մեխանիզմներ և վարկային երաշխիքներ:
Կգործարկվի ԱԱՀ-ի վերադարձման ավտոմատ մեխանիզմ: ԱԱՀ-ից ավելցուկի վերադարձը կրկնապատկվելու է: Այսպիսով, բյուջեից ԱԱՀ-ի փոխհատուցման ճանապարհով բիզնեսը լրացուցիչ 600 միլիոն լարի (189,1 միլիոն դոլար) կստանա:
Կոմերցիոն բանկերին կտրամադրվի 600 միլիոն լարի երկարաժամկետ ռեսուրս:
Բացի այդ, բիզնեսին աջակցելու համար կհատկացվի 500 միլիոն լարի (157,6 միլիոն լարի): Այդտեղից 300 միլիոն լարին (94,5 միլիոն դոլար) նախատեսված է վարկային երաշխավորման սխեմայի համար:
Հիմնականում վարկերը կտրամադրվեն փոքր և միջին բիզնեսին: Երաշխիքի տակ կընկնի 2 միլիարդ լարի ծավալով վարկային պորտֆելը: Նոր վարկի դեպքում բիզնեսը կկարողանա պետության կողմից ստանալ 90% երաշխիք: Կառավարության երաշխիքների հին պարտքերի վերակառուցումը կարող է հասնել 30%-ի:
Կառավարությունը կփոխի նաև «Արտադրիր Վրաստանում» պետական ծրագրի շրջանակներում ձեռնարկատերերի համաֆինանսավորման պայմանները:
Վարկերի և շահառուների լիզինգի համաֆինանսավորման ժամկետը կաճի 24-ից 36 ամիս,
Կփոխվի տոկոսադրույքների համաֆինանսավորման մեխանիզմը,
Կընդլայնվի այն գործունեությունների ցանկը, որոնց ներկայացուցիչները կկարողանան դառնալ պետական ծրագրի շահառուներ,
Վարկերի կամ լիզինգի նվազագույն շեմը կնվազի,
Կավելանա շրջանառու միջոցների ֆինանսավորումը:
Ընդհանուր առմամբ, COVID-19-ի դեմ պայքարի բյուջեն սահմանված է 3,5 միլիարդ լարի: Դրա մեծ մասը նախատեսված է մասնավորապես բիզնեսին և արտադրությանն աջակցելու համար՝ ավելի քան 2,1 միլիարդ: Նախատեսվում է ավելի քան 1,3 միլիարդ հատկացնել Վրաստանի քաղաքացիների սոցիալական աջակցության համար: Առողջապահության ոլորտի ամրապնդման համար նախատեսված է 350 միլիոն լարի:
Մարտի կեսերին Վրաստանի կառավարությունը ներկայացրել էր զբոսաշրջության և հյուրընկալության ոլորտի ընկերություններին աջակցման ծրագիր: Նրանք առաջինն էին, ովքեր վնաս կրեցին համավարակի պատճառով:
Չորս ամսով` մինչև 2020 թվականի նոյեմբերի 1-ը, նման ընկերությունները ստացել են եկամտահարկի և գույքահարկի վճարման հետաձգում: Կառավարությունը նշում է, որ մոտ 4,5 հազար ձեռնարկատեր արդեն օգտվել է այդ հնարավորությունից:
Իշխանությունը որոշել է նաև վեց ամսով սուբսիդավորել ոչ մեծ հյուրանոցների վարկերի տոկոսները (մինչև 80%): Դրա համար հատկացվել է 10 միլիոն լարի: Արդեն սուբսիդավորումից օգտվել է 850 հյուրանոց:
Ներմուծված մեքենաների մաքսազերծման ժամկետը երկարացվել է մինչև սեպտեմբերի 1-ը: Մինչ օրս հետաձգումից օգտվել է 38 հազար ներմուծող:
Բոլոր իրավաբանական անձանց վարկերի վերակառուցավորման հնարավորություն է տրվել:
200 միլիոն լարի մոբիլիզացվել է բոլոր ենթակառուցվածքային նախագծերը պահպանելու համար: Կառավարությունը սուբսիդավորելու է շինանյութերի գների տարբերությունը՝ հաշվի առնելով գնաճը:
