Վրաստանում 2018-2019 ուսումնական տարվա ընթացքում հանրակրթական հաստատություններում ուսումը դադարեցրել է ավելի քան 12 հազար աշակերտ: Այս թիվը 2 տոկոսով նվազ է անցած տարվա նույն ժամանակահատվածի հետ համեմատ: Այս մասին տեղեկացնում է Վրաստանի Ազգային վիճակագրական ծառայությունը:
Դպրոցը թողածների 40,7%-ն աղջիկներ են, իսկ 59.3%-ը՝ տղաներ:
Նույն տվյալների համաձայն՝ Վրաստանում 2018-19 ուսումնական տարվա ընթացքում գործել է 2 313 ընդհանուր կրթության հաստատություն՝ դպրոց, որից 2 086-ը հանրային է, 227-ը՝ մասնավոր: Աշակերտների 48 տոկոսն աղջիկ է, 52-ը՝ տղա: Դպրոց հաճախելիության ցուցանիշով (35%) առաջատարը մայրաքաղաք Թբիլիսին է:
Տարածաշրջաններից ամենաշատ դպրոց Իմերեթին ունի՝ 17.0%:
Հանրակրթական հաստատությունների քանակը Վրաստանում վերջին հինգ տարիներին շատ քիչ, սակայն նվազել է:
2015-16 թվականներ՝ 2 331 դպրոց
2016-17 թվականներ՝ 2 321 դպրոց
2017-18 թվականներ՝ 2 308 դպրոց
2018-19 թվականներ՝ 2 313 դպրոց
2019-20 թվականներ՝ 2 313 դպրոց
Սրան զուգահեռ աշակերտների քանակը դպրոցներում տարեցտարի աճում է.
2015-16 թվականներ՝ 553.9 աշակերտ
2016-17 թվականներ՝ 564.7 աշակերտ
2017-18 թվականներ՝ 575.2 աշակերտ
2018-19 թվականներ՝ 584.4 աշակերտ
2019-20 թվականներ՝ 592.9 աշակերտ
Եվ ավելին դպրոցական վիճակագրության վերաբերյալ.
2019-2020 ուսումնական տարում Վրաստանի դպրոցներում սովորում է մոտ 593 հազար աշակերտ, ինչը 1,5%-ով ավելին է նախորդ տարվա համեմատ:
Աշակերտների ընդհանուր թվից 47.9%-ը աղջիկներ են, իսկ 52.1%-ը` տղա:
Երկրի բոլոր պետական հանրակրթական դպրոցներում աշակերտների թիվը կազմւոմ է 89.4%, իսկ մասնավոր դպրոցներում՝ 10,6%:
Ամենամեծ թվով աշակերտներ Թբիլիսին ունի՝ 34.7%:
2019 թվականին դպրոցն ավարտել է ավելի քան 86.4 հազար աշակերտ, ինչը 5.1%-ով ավելին է, քան նախորդ տարի:
2018-2019 ուսումնական տարվա սկզբի տվյալներով, հանրապետության դպրոցներում աշխատանքի են անցել ավելի քան 63.7 հազար ուսուցիչ, ինչը 5,3%-ով պակաս է նախորդ տարվա նույն ժամանակահատվածի համեմատ: Ուսուցիչների մեծ մասը կանայք են՝ 86,8%, իսկ տղամարդիկ կազմում են՝ 13,2%: