Վրաստանի նախագահ Սալամոե Զուրաբիշվիլիի բարեգործական հիմնադրամի շնորհանդեսը նախատեսված է սեպտեմբերի 17-ին: Զուրաբիշվիլին փետրվարի վերջին գրանցեց իր բարեգործական հիմնադրամը, որին է փոխանցվում Վրաստանի նախագահի աշխատավարձը: Երդմնակալության արարողությունից հետո Զուրաբիշվիլին հայտարարեց, որ ապրելու է իր ֆրանսիական կենսաթոշակի և խնայողությունների հաշվին: Եվ նրա ստեղծած հիմնադրամի նպատակն է՝ կրթական, գիտական և նորարարական ծրագրերի ֆինանսավորման որոնումը:
Ինչպես երևում է, ոչ ոք, բացի Զուրաբիշվիլիից, իր հիմնադրամին նվիրատվություն չի կատարել: Ըստ վարչակազմի՝ դա չի արվել ոչ ֆիզիկական, ոչ էլ իրավաբանական անձանց կողմից:
Մինչև հիմա հիմնադրամը հավաքել է 35 880 հազար լարի (12,2 հազար դոլար): Վրաստանի նախագահի աշխատավարձը 5520 լարի է (1,9 հազար դոլար):
Հիմնադրամի շնորհանդեսի օրը կներկայացվի մանկական ուռուցքաբանության կենտրոնի նախագիծը: Դա կլինի առաջին նախագիծը, որի համար հիմնադրամը կսկսի ֆինանսական նվիրատվությունների ներգրավման պրոցեսը:
Մայիսի 29-ին, Վրաստանի նախագահի հիմնադրամի աջակցությամբ, բռնության զոհ դարձած կանանց համար բացվեց առաջին «Անաստասիա» սոցիալական սեմինարը: Սեմինարը ստեղծվել է «Բռնությունների դեմ պաշտպանության ազգային ցանցի» հիման վրա: Այս սոցիալական ձեռնարկության նպատակն է կանանց մասնագիտական կրթություն տրամադրելը և ապահովել նրանց հետագա զբաղվածությունը:
Ավելի վաղ, Վրաստանի նախագահին կից, գոյություն ուներ պահուստային ֆոնդ: Լավագույն ուսանողների համար կրթաթոշակները շնորհվել են Նախագահի հիմնադրամից, ֆինանսավորվել են մարդու իրավունքների պաշտպանության, նորարարական և արդյունավետ հնարավորությունների զարգացման, ժողովրդավարական ինստիտուտների ամրապնդմանն ուղղված ծրագրեր:
Սակայն 2018թ.-ի դեկտեմբերին Զուրաբիշվիլիի երդմնակալությունից հետո նախագահի պահուստային ֆոնդը վերացվեց:
Նյութը՝ Վրաստանի լուրեր կայքից
