Ախալքալաքի երիտասարդ երաժիշտների նախաձեռնող խումբը կազմակերպեց համերգ տեղի բնակիչների համար:
Արդեն երկրորդ տարին է երաժիշտների նախաձեռնող խումբը` կիթառի մանկավարժ Արմեն Երիցյանի ղեկավարությամբ, կազմակերպում է համերգ Խաս Բախչա քաղաքային այգում` Ախալքալաքի բնակչների համար:
Երաժիշտները նվագում են դասական և հեղինակային ստեղծագործություններ` սաքսաֆոնի նվագակցությամբ, ինչպես նաև դուդուկ, կիթառ, բասկիթառ և այլ գործիքներ:
Չնայած նրան, որ քաղաքային այգում ընթանում է վերանորոգման աշխատանքներ և համերգը գովազդ չուներ` շատ քաղաքացիներ մոտակա փողոցներից հավաքվել էին լսելու համերգը: Կենդանի համերգի ձայնը տարածվեց քաղաքով մեկ:
Համերգի ժամանակ ելույթ ունեցան Երաժշտական ուսումնական հաստատությունների սաներ Արտյուշ Պողոսյանը ու Տիգրան Մղդեսյանը, ինչպես նաև թիվ 2 ռուսական հանրային դպրոցի աշակերտուհի Հայկանուշ Ղարաբեկյանը:
Երաժիշտներին դհոլի կատարումներով օգնեց Ժորա Ալոզյանը, իսկ ստեղնաշարային գործիքների վրա ելույթ ունեցավ երաժշտական դպրոցի սան Անահիտ Ստելմաշովը:
«Մենք ցանկանում էինք ուրախացնել ախալքալաքցիներին երաժշտությամբ: Արդեն երկրորդ տարին ելույթ ենք ունենում քաղաքային զբոսայգում»,- ասացին երաժիշտները:
Հետքարքիր նախաձեռնության համար Ախալքալաքի քաղաքապետարանի վարչության Մշակույթի բաժինը երիտասարդ երաժիշտներին պարգևատրեց դիպլոմներով:
Քրիստինե Մարաբյան
