Շուտով, այս հանգստյան օրերի ընթացքում, ամբողջ Վրաստանում տեղի կունենա «Թանգարանային գիշեր» միջազգային ակցիան, որի շրջանակներում մայիսի 18-ից 19-ի գիշերը երկրի բոլոր թանգարանները կբացեն իրենց դռները բոլոր այցելուների համար:

Ակցիային միացել են նաև Սամցխե-Ջավախեթիի (Ախալցիխե) պատմական թանգարանը, Վարձիայի քարանձավային վանական համալիրը, Կարծախի Ջիվանու տուն-թանգարանը:

Վարձիայում նախատեսում են զարմացնել այցելուներին հատկապես պայծառ ծրագրով: Կեսօրին համալիրի տարածքում տեղի կունենա որթատունկ (նորատունկ վազ), իսկ Վարձիայի թանգարանային տաղավարում այցելուների համար կբացվի լուսանկարչական ցուցահանդես:

Ժամը 18:00-ից վանական համալիրի ստորին հատվածում կբացվի արհեստագործների ժողովրդական մոտիվներով ձեռագործ աշխատանքները և վրացի ֆերմերների արտադրանքների ցուցահանդեսը:

Այնուհետեւ հանրությունը կտեսնի մարտարվեստի թատերական ներկայացումներ, սուսերամարտ, ինչպես նաեւ համերգ` երգչուհի Սոփո Խալվաշիի և բենդի մասնակցությամբ:

Վարձիայում «Թանգարանների գիշերը» կավարտվի դիտարժան լուսային շոուով: