Ախալքալաքի Հասարակական Առողջապահության Կենտրոնը (ՀԱԿ), գեղեցկության սրահների ստուգման ժամանակ խախտումների հայտնաբերման դեպքում, արդեն կարող է տուգանել դրանց սեփականատերերին:
Տեղական Կենտրոններին նման լիազորություններ տալու նախաձեռնությունը պատկանում է Վրաստանի Առողջապահության նախարարությանը: Այսօր, փետրվարի 4-ին, Ախալքալաքի Սակրեբուլոյի նիստի ժամանակ այդ լիազորությունները հաստատվեցին Սակրեբուլոյի պատգամավորների ձայների մեծամասնությամբ:
Նման փոփոխությունը կատարվել է Հեպատիտ C-ն կանխարգելելու համար:
ՀԱԿ-ի աշխատակիցները համապատասխան խախտումներ հայտնաբերելու դեպքում, արդեն իսկ կարող են արձանագրություն կազմել: Տուգանքներն արձանագրվում են, եթե խախտվել է ավելի քան 20 չափանիշ, որոնք սահմանված են Առողջապահության նախարարության կողմից:
Եթե ձեռնարկատերը կամ իրավաբանական անձը համաձայն չեն տուգանքի հետ, ապա նրանք նույն օրը պետք է դիմեն դատարան: Անհատ ձեռներեցների համար տուգանքը կազմում է 50 լարի, իսկ ֆիզիկական անձանց համար՝ 100 լարի:
Լիազորություններն այսօրվանից՝ Սակրեբուլոյի հաստատման պահից ուժի մեջ են մտել:
Շուշան Շիրինյան
