Վրաստանում IPhone XS ձեռք բերելու համար անհրաժեշտ է աշխատել առնվազն 74 օր եւ դրա հետ մեկտեղ գումար չծախսել՝ հագուստի, սննդի, կոմունալ վճարումների եւ կենցաղային այլ «մանրուքների» վրա, Հայաստանում դրա համար հարկավոր կլինի 100 օր, նմանատիպ ուսումնասիրություն է կատարել Picodi.com լեհական ընկերությունը:
Առաջին հայացքից հեռախոսն առօրյա կյանքի անբաժանելի մասն է կազմում, բայց կան այնպիսի հեռախոսներ, որոնք համարվում են շքեղության եւ կարգավիճակի իրեր:
Ոմանք կաշվից դուրս են գալիս, որպեսզի գնեն թանկարժեք հեռախոս, հաճախ նույնիսկ պարտքերի եւ վարկերի մեջ խրվելով:
Picodi.com-ը հետազոտություններ է կատարել 41 երկրում, որոնց թվում են Հարավային Կովկասի բոլոր երեք երկրները՝ Հայաստանը, Վրաստանը եւ Ադրբեջանը: Ուսումնասիրության մեջ վերլուծաբանները հաշվարկել են, թե յուրաքանչյուր երկրում քանի օր է անհրաժեշտ աշխատել՝ Apple-ի նորույթի գնման համար:
Ուսումնասիրությունից ելնելով, գնի և աշխատավարձի ամենահամապատասխան հարաբերակցությունը նկատվում է ԱՄՆ-ում, չէ որ գնային քաղաքականությունը առաջին հերթին ձեւավորվում է հենց այս երկրում եւ այս երկրի բնակիչների համար:
Հարավային Կովկասում իրավիճակը հետեւյալն է. IPhon XS 64 GB պաշտոնական գինը Ադրբեջանում ենթադրվում է, որ գործունակ մարդը պիտի աշխատի ոչ ավելի, քան 121 օր, իսկ Հայաստանում՝ ավելի քան 100 օր: Վրաստանը դրական է գնահատվում այս վարկանիշում, որտեղ պետք է աշխատել 74 օր՝ սմարթֆոնի գնման երազանքն ի կատար ածելու համար: Սա այն դեպքում, եթե գումար չեն ծախսել հագուստի, սննդի, կոմունալ ծառայությունների եւ կենցաղային այլ «մանրուքների» վրա:
Այնուամենայնիվ, Apple-ի նորույթը հեշտությամբ գնել կկարողանան Եվրոպայի ամենազարգացած երկրների եւ ԱՄԷ-ի բնակիչները: Այսպիսով, Շվեյցարիայում նոր IPhon Xs ձեռք բերելու համար անհրաժեշտ է աշխատել 5,1 օր, իսկ Նորվեգիայում եւ Դանիայում` 7 օրից փոքր-ինչ ավելի: Թոփում են հայտվել նաև Միացյալ Արաբական Էմիրությունները՝ 7,6 օրվա վաստակած գումարը բավարար է վերջին սերնդի սմարթֆոն գնելու համար: Միացյալ Նահանգներում անհրաժեշտ է «տքնել» 8,4 օր եւ սմարտֆոնը Ձերն է:
Եվրագոտու երկրների մեծ մասը հայտնվել են վարկանշի մեջտեղում: Ավստրիայում, Գերմանիայում, Ֆինլանդիայում եւ Ֆրանսիայում պետք է աշխատել մոտ 10,5 օր: Իսպանիայի, Իտալիայի, Կիպրոսի եւ Մեծ Բրիտանիայի բնակիչները կարող են աշխատել 20 օրից պակաս: Հունաստանում եւ Պորտուգալիայում այս ցուցանիշը կազմում է մոտ 27 օր:
Մեքսիկայում, Չինաստանում, Արգենտինայում եւ Հնդկաստանում՝ iPhone Xs-ի համար ծախսերը շատ ավելի զգալի են` 50-ից 60 «աշխատանքային օր»: Ֆիլիպինները եւ Ուկրաինան միաժամանակ խախտում են վարկանիշը եւ միեւնույն ժամանակ գրանցում են ռեկորդ՝ գրեթե 157 եւ 137 օր: