Վրաստանին մտահոգող հարցերի թվում կազմակերպությունը մատնանշում է « որևէ արդարացում չունեցող կոշտ» թմրաքաղաքականության, ծառայողական անվտանգության և աշխատանքային իրավունքների, ԼԳԲՏ անձանց նկատմամբ խտրականության, լրատվամիջոցների բազմակարծության սպառնալիքների, իրավապահ մարմինների աշխատակիցների կողմից իշխանության չարաշահումների փաստերը չքննելու վրա:
Փաստաթղթի համաձայն, իրավապահների կողմից իշխանության չարաշահման անպատժելիությունը Վրաստանում շարունակում է մնալ խնդիր:
«Իշխանությունները քայլեր են ձեռնարկել մեխանիզմ ձևավորելու համար, որը կհետաքննի իրավապահ մարմինների կողմից իշխանության չարաշահումը, սակայն լիարժեք անկախություն դրան չեն ընձեռել … հետաքննության մեկնարկի դեպքում, հարկավոր է ներկայացվի այնպիսի մեղադրանք, որը չի նախատեսում ոչ այդքան խիստ, ոչ պատշաճ պատժամիջոցներ, ու ավելի քիչ դեպքերում ավարտվի դատական պատասխանատվության ենթարկմամբ »: – ասվում է զեկույցում:
Մարդու իրավունքների կազմակերպությունը նաև նշում է, որ թեև թմրանյութերի հանցագործության հետ կապված դեպքերի թիվը նվազել է, իշխանությունները «շարունակում են խստիվ օրենքներ կիրառել մարդկանց թմրանյութեր օգտագործելու և անձնական օգտագործման համար թմրամիջոցներ ունենալու համար»:
«Թմրամիջոցների հետ կապված հանցագործությունները հաճախ պատժվում են երկարատև բանտարկությամբ, տուգանքներով և այլ իրավունքներից զրկումից: Այդ թվում, մեքենայի վարորդական իրավունքից զրկումից և մի շարք մասնագիտական գործողություններ իրականացնելու իրավունքից»,-ասվում է զեկույցում:
Իրավապաշտպան կազմակերպությունը հայտարարում է, որ Վրաստանի պաշտոնատար անձանց հոմոֆոբային հայտարարությունները «խթանում են հասարակության մեջ համատարած հոմոֆոբիային»:
Զեկույցում ներկայացված է նաև «Ռուսթավի -2» հեռուստաընկերության հետ կապված իրավական վեճի ակնարկը և նշված է, որ իրադարձությունների նման զարգացումը «մտահոգություն է առաջացրել՝ ԶԼՄ-ների գործունեության մեջ՝ իշխանությունների միջամտության առթիվ»:
Կազմակերպությունը նաև խոսում է նախագահական ընտրությունների մասին և հայտարարում, որ ընտրությունները «առաջնային պլան մղեցին Վրաստանում անցյալում առկա քաղաքական բանավեճերը և այսօր առկա խնդիրները, որոնք առկա են մարդու իրավունքների պաշտպանության ոլորտում»:
Human Rights Watch- ը ողջունել է ՆԳՆ-ի ստորադասությունում գտնվող Մարդու իրավունքների դեպարտամենտի ստեղծումը, որը հետաքննում է ընտանեկան բռնությունը, ատելության հիմքով կատարված հանցագործությունները և երեխաների կողմից կատարված հանցագործությունները և երեխաների կողմից և նրանց դեմ ուղղված հանցագործությունները:
Civil.ge
