Երեկ, դեկտեմբերի 15-ին, տեղի ունեցավ Ախալքալաքի մունիցիպալիտետի 2018 թ. բռնցքամարտի առաջնության եզրափակիչը:
Առաջնությունում մրցում էին Ախալքալաքի եւ Ախալցիխեի մարզիկները: Ըստ սպորտ համալիրի տնօրեն Ատոմ Էլիզբարյանի, մրցաշարին մասնակցելու էին նաև Հայաստանի եւ Թբիլիսիի մարզիկները:
«Մասնակցության հայտ էին ներկայացրել մարզիկներ Վանաձորից եւ Թբիլիսիից, պարզապես եղանակի եւ փակ ճանապարհների պատճառով չկարողացան մասնակցել», – ասում է Ատոմ Էլիզբարյանը:
Ռինգում մրցում էին 24 մարզիկներ, ովքեր հաղթել էին դեկտեմբերի 14-ին եւ 13-ին կայացած առաջնության բաց մրցաշարում:
Ոսկե մեդալներով տուն վերադարձան 12 մարզիկ, նույնչափ մարզիկներ նվաճեցին արծաթ եւ երկու մարզիկ` բրոնզե մեդալ:
Քրիստինե Մարաբյան
