Ախալքալաքի օրվա տոնակատարության շրջանակներում օրվա երկրորդ կեսին տեղի ունեցավ հեծանվավազք:
Այսօր Ախալքալաքում նշեցին քաղաքի օրը: Ամենուրեք տոնական տրամադրություն էր: Ուրախանում էին և երեխաները և մեծահասակները:
Ժամը 15: 00-ին քաղաքի կենտրոնական հրապարակում, որտեղ ընթանում էր Գույների փառատոնը, սկսվեց տոնական հեծանվավազքը: Մասնակցեցին տարբեր տարիքի շուրջ 50 մարդ: Քաղաքապետարանը բոլոր մասնակիցներին բաժանեց վերնաշապիկներ և համարներ:
Ոստիկանության մեքենաների ուղեկցությամբ մասնակիցները անցան կենտրոնական փողոցով, Ջավախեթի փողոցով և վերադարձան Մշակույթի տան մոտ:
Մասնակիցները պարգևատրվեցին Ախալքալաքի խորհրդանիշը պատկերող մեդալներով:
Մ
Շուշան Շիրինյան
