Օգոստոսի 28-ին, Ախալքալաքում տեղի ունեցավ Սակրեբուլոյի լիագումար նիստ, որի ժամանակ քննարկվեց ու ընդունվեց մի շարք օրակարգային հարցեր:

Նիստի օրակարգը բաղկացած էր 4 հարցից՝

Նալբանդյան փողոցի թիվ 74 հասցեում գտնվող գիտնական Բորիս Լոմսաձեի տան պատին հուշատախտակ փակցնելու մասին:

Հաստատել Ախալքալաքի շրջանում մասսայական ժողովրդական միջոցառումների անցկացման ամսաթվերը:

Ախալքալաքի մունիցիպալիտետի Ժողովի 2017 թ. դեկտեմբերի 27-ի թիվ 29 “Ախալքալաքի մունիցիպալիտետի 2018 թվականի բյուջեի հաստատման մասին” որոշման մեջ փոփոխություններ մտցնել:

Ախալքալաքի մունիցիպալիտետի Ժողովի 2018 թ. հունիսի 14-ի թիվ 41 “Ախալքալաքի մունիցիպալիտետի տարածքում բնակվող ընտանի կենդանիների խնամքի և պահելու, դրանց պոպուլացիայի վարման կարգի հաստատման մասին” որոշման մեջ փոփոխություններ մտցնելու վերաբերյալ։

Նիստի ժամանակ քննարկվեցին և ընդունվեցին վերոնշյալ հարցերը։

nist 1

Շրջանային ժողովը որոշում ընդունեց «Ջիվանոբա» կամ «Ջիվանական օրն» անցկացնել հուլիս ամսվա երկրորդ շաբաթ օրը, «Ախալքալքի օրը»՝ սեպտեմբեր ամսի երրորդ շաբաթ օրը, աշուղ «Թիֆիլիի» օրը՝ հուլիս ամսի երկրորդ կիրակի օրը և Վարևան գյուղի «Հերոսի օրը»՝ հուլիս ամսի առաջի կիրակին։

Ինչպես նաև քննարկվեց “Ախալքալաքի մունիցիպալիտետի 2018 թվականի բյուջեի հաստատման մասին” որոշման մեջ փոփոխություններ մտցնելու հարցը։

Փոփոխություններ բյուջեում

Ախալքալաքի քաղաքապետարանը նպատակահարմար է գտնում իրականացնել բյուջեի փոփոխություն տեղական բյուջեի տնտեսումից, որն էլ կազմում է 105 465 լարի և դադարեցված աշխատանքների գումարը՝ 233 670 լարի։

Տենդեր-մրցույթների հետևանքով կուտակված գումարը կազմում է 105 465 լարի: Մասնավորապես գումար է տնտեսվել հետևյալ նախագծերից.

Գյուղական ճանապարհների ձյան մաքրում՝ 19 999 լարի, կոյուղիների խողովակների վերանորոգում՝ 3658 լարի, շների ապաստան տանելու ծառայությունից՝ 5 477 լարի, Դադեշ գյուղի ջրամբարի վերանորոգում՝ 2 378 լարի, Ախալքալաքի այսպես կոչված «Տաշվանկաի» տարածքում 5 տաղավարների տեղադրում՝ 13 255 լարի և գյուղական ճանապարհների հարթեցման աշխատանքներ՝ 60 698 լարի։

Դադարեցված աշխատանքներն են

Քաղաքի Միկոյան փողոցի երկրորդ նրբանցքի ասֆալտապատում (Միկոյանի փողոցից դեպի Ռուսթավելի փողոց՝ 105 մ) – 26 870 լարի, Ախալքալաքի Աղմաշենեբելիի փողոցի #14 բազմահարկ շենքի բակի վերանորգումից՝ 166 800 լարի և ոռոգման համակարգերի վերանորգում և մաքրում՝ 40 000 լարի։

Կուտակված գումարը կտրամադրվի տարբեր նախագծերի իրականացման համար։ Տնտեսական զարգացման և գույքի կառավարման ծառայության դիմումի համաձայն կտրամադրվի 71 648 լարի: Ենթակառուցվածքների, տարածքային պլանավորման, ճարտարապետության և շինարարական աշխատանքների ծառայությանը՝ 68 593 լարի: Մշակույթի, կրթության, սպորտի, հուշարձանների պահպանության, երիտասարդության հարցերի և զբոսաշրջության զարգացման ծառայությանը՝ 24 600 լարի: Ռազմական հաշվառման և հավաքագրման ծառայությանը՝ 500 լարի: Մանկապարտեզների միավորմանը՝ 73 237 լարի և Մունիցիպալիտետի կայքի պատրաստման համար՝ 1200 լարի։

Փոփոխությունից հետո անցումային գումարը կազմում է 146 767 լարի:

Գայանե Ակոջյան