Երեկվանից հորդառատ անձրևները հեղեղում են Վրաստանի տարածաշրջանների բնակիչների տները և բակերը: Ջրհեղեղից տուժած գյուղերի բնակիչները տարհանվում են, նրանց կյանքին վտանգ չի սպառնում:
«Կախեթիում հեղեղվել են Սիղնախիի և Լագոդեխիի չորս գյուղերը: Ընդհանուր առմամբ ծառայությունը ստացել է վեց հաղորդագրություն: Կախեթի բնակելի տներից ջրի քաշման աշխատանքները ավարտվել են:
Գորիում հեղեղվել են բնակելի տներ և բակեր: Ընդհանուր առմամբ տացվել է 18 հաղորդագրություն: Փրկարարների կողմից տարհանվել և անվտանգ վայրեր են տեղափոխվել երեք ընտանիք: Այս պահին անցկացվում են բնակելի շենքերի նկուղներից ջրի քաշման աշխատանքներ:
Գարդաբանիում, Կրծանիսի գյուղում, հեղեղվել են բնակելի տները և բակերը: Ընդհանուր առմամբ ստացել են չորս հաղորդագրություն: Փրկարարները տեղափոխել են 11 ընտանիքներից` 15 հոգու:
06:00-ին վերսկսվեց Կրծանիսի գյուղի բնակելի տներից ջրի հեռացման աշխատանքները», – նշվում է Արտակարգ իրավիճակների կառավարման ծառայության կողմից տարածված տեղեկատվությունում:
Ըստ նախարարության հաղորդագրության, աղետի հետևանքով տարածաշրջաններում ոչ մի քաղաքացի չի տուժել:
Արտակարգ իրավիճակների կառավարման ծառայությունը շարունակում է աշխատել հատուկ ռեժիմով:
