Ախալքալաքի կենտրոնական Խաս Բախչա այգում նշեցին Եվրոպայի օրը։

Այսօր կեսօրին Խաս Բախչա այգին մարդաշատ էր՝ նշում էին Եվրոպայի օրը։ Միջոցառման կազմակերպիչը Եվրամիության և ՆԱՏՕ-ի տեղեկատվական կենտրոնի Ախալքալաքի գրասենյակն է։

европа9

европа2

европа4

Այգու կենտրոնում իրենց ներկայացուցչական սեղաններն էին տեղադրել Եվրամիության և ՆԱՏՕ-ի տեղեկատվական կենտրոնը, Վրաստանի ազգային պաշտպանի Սամցխե-Ջավախքի գրասենյակը և Ախալքալաքի զարգացման խումբը (LAG): Յուրաքանչյուր կազմակերպության աշխատակից կանգնած էր իր սեղանի մոտ և պատմում էր իրենց գործունեության մասին, բաժանում Վրաստանի և Եվրամիության դրոշակներ, Եվրոպայի մասին պատմող բուկլետներ և փուչիկներ։

Այգում տոնական տրամադրություն էր։ Երեխաներն ուրախանում էին, աղմկում, նկարվում, պարում և խաղում փուչիկներով։

европа5

европа11

Կազմակերպիչներն անցկացրին նաև վիկտորինա, տրվում էին հարցեր Եվրամիության մասին։ Ճիշտ պատասխանող մասնակիցներին տրվեցին գրքեր, գրիչներ, շապիկներ և Եվրամիության խորհրդանիշով բաժակներ։

европа10

Մայիսի 5-ից մայիսի 22-ն ընկած ժամանակահատվածում ամբողջ Վրաստանում նշվելու է Եվրոպայի օրը։ Եվրամիության և ՆԱՏՕ-ի Ախալքալաքի տեղեկատվական կենտրոնի ներկայացուցիչ Թեոնա Զուրաբաշվիլիի խոսքերով, սա հնարավորություն է տալիս տեղեկատվություն տարածել մուտքի ազատականացման, Եվրամիության միֆերի մասին, ինչպես նաև բաժանել «Վրաստանի ճանապարհը Եվրոպական միություն» վերնագրերով գրքեր։

европа7

evropa1

Իսկ տաք, արևոտ եղանակով սկսված տոնն ավարտվեց մայիսյան հորդառատ անձրևով։

Շուշան Շիրինյան