Մայիսի 11-ին Ախալքալաքի շրջանի Դիլիսկա գյուղում անցկացվեց հայկական ավանդական տոլմայի առաջին փառատոնը:
Անըդհատ տեղացող հորդառատ անձրևը խանգարեց գյուղացիների ծրագրերին փառատոնն անցկացնելու Ախալքալաքի շրջանի ամենամեծ գյուղի Դիլիսկայի Սուրբ Սարգիս եկեղեցու բակում, սակայն փառատոնը կայացավ եկեղեցու ներսում: Այնտեղ մարդաշատ էր:
Տնային տնտեսուհիների համար, չնայած անսովոր էր, այնուամենայնիվ, նրանք անձրևից պաշտպանելով, բերում էին գեղեցիկ զարդարված տոլմայի սկուտեղները` տարբեր լցոնումներով և սոուսով` մածունը սխտորով:
Այստեղ կային տոլմայի տարբեր տեսակներ, լցոնված հորթի մսով, բլղուրով, սնկով, հավի մսով, ընկույզով: Ամառային տոլմա՝ լոլիկով, բուլղարական պղպեղով ու սմբուկով, տոլմա` կաղամբով, խաղողի տերևներով, ազնվամորու տերևներով…
Սեղան գցեցին, յուրաքանչյուրը կարող էր փորձել տոլմաների այս բազմազանությունը: Բոլոր տնտեսուհիները նվերներ ստացան, իսկ վերջում գյուղացիների համար ելույթ ունեցավ Դիլիսկա գյուղի պարային համույթը, այսպիսով ավարտվեց Դիլիսկայի տնտեսուհիների և փառատոնին եկած համադամասերների տոնը:
Քրիստինե Մարաբյան