«Անակլիա-սիթի» ընկերությունը, որն աշխատում է Անակլիա ավանի տարածքում նոր քաղաք ստեղծելու գաղափարի վրա, որտեղ ներկայումս կառուցվում է խորահուն նավահանգիստ, ներկայացրել է BuroHappold, Engineering ընկերությունը, որը և հաղթել է ապագա քաղաքի կոնցեպցիայի մշակման տենդեր-մրցույթում:
Ներկայացումը վարում էին «Անակլիա-սիթի» ընկերության հիմնադիրը և «ТВС-բանկ»-ի ղեկավար Մամուկա Խազարաձեն:
Նրա խոսքերով, տենդեր-մրցույթն անցկացվել է մի քանի ամիս առաջ, և այն հաղթել է Buro Happold-ը, որը հայտնի է այս ուղղությամբ միջազգային մասշտաբով:
«Առաջիկա ամիսներին մենք կներկայացնենք նոր քաղաքի հայեցակարգը հանրության քննարկմանը: Մենք ցանկանում ենք, որ քննարկման ընթացքում ակտիվ մասնակցեն քաղաքագիտության, քաղաքաշինության և էկոլոգիայի մասնագետները: Մենք կձգտենք այն բանին, որ Անակլիան լինի զարգացող կանաչ քաղաք և ունենա իր առանձնահատուկ գործառույթը` հիմնված իր աշխարհագրական դիրքի վրա», – հայտարարել է բանկիրը:
Նրա խոսքերով, Անակլիայում նախատեսվում է նաև ձիարշավարանի կառուցում:
«Հենց այս խնդիրը` նոր, էկոլոգիապես մաքուր և հաջող քաղաքների կառուցումը կխթանի բրիտանական ընկերության ներգրավումը նախագծի ստեղծման գործում: «Անակլիա-սիթի»-ի առաջնահերթությունը կլինի արդյունաբերական, լոգիստիկ և տրանսպորտային ենթակառուցվածքները, ինչպես նաև բնակելի հատվածի զարգացումը, քանի որ արդեն սկսվել է նավահանգստի կառուցումը, և դա մեծ ենթակառուցվածք է պահանջում», – ասաց «Անակլիա-սիթիի» քաղաքապետը:
Նրա խոսքերով, կան տարբեր գաղափարներ, որոնք հաշվի կառնվեն հայեցակարգի մշակման գործընթացում: «Քաղաքը պետք է ունենա մեծ կենտրոնական զբոսայգի, ձիարշավարան, միջազգային ձիաբուծության կենտրոն, որը նույնպես կխթանի գյուղատնտեսության զարգացմանը», – ասաց Մամուկա Խազարաձեն:
Նյութի աղբյուրը` Business Грузия