Հրդեհային անվտանգության համակարգը Վրաստանում կսկսեն վերահսկել ոչ միայն մանկապարտեզներում, դպրոցներում և հյուրանոցներում, այլ նաև այնպիսի տեղերում, որտեղ մարդկանց մեծ քանակ կա։ Այս մասին կառավարության նիստի ժամանակ հայտարարել է վարչապես Գիորգի Կվիրիկաշվիլին։

«Անպայման պետք է սկսենք աշխատել այս ուղղությամբ, ուշադրության կենտրոնում ունենալով գործող շենքերն ու կառույցները, եթե ցանկանում եք հաշվառում, ապա կարող եմ ասել, որ հարցը վերաբերում է այնպիսի տեղերին, որտեղ մարդկանց մեծ քանակութուն կա, հատկապես մանկապարտեզները, դպրոցները և հյուրանոցները։ Բացի այդ, կարևոր է հետևել նաև այն փաստին, որ մարդիկ կարողանան ազատ տեղաշարժվել արտակարգ իրավիճակների դեպքում։ Կաշխատենք ամենակարճ ժամանակահատվածում անել այն ամենը, ինչ հարկավոր է լավ արդյունքի հասնելու համար։

Դուք գիտեք, որ հաջորդ տարվա ընթացքում արտակարգ իրավիճակների և համապատասխան ծառայությունների համար կտրամադրվի 20 մլն լարի և այն կօգտագործվի ավելի բարձր արդյունք ստանալու համար։ 2015-ին առաջին անգամ ամրագրեցինք կանոնակարգ հրդեհային անվտանգության ուղղությամբ, 2016 թ.-ին նույնպես բանաձև ընդունվեց այս ուղղությամբ։ Այդ պատճառով էլ խրախուսում եմ ձեզ, որ ամեն ինչ անենք, որպեսզի բավարարենք բանաձևում սահմանված պահանջները», – հայտարարեց վարչապետը։

Հիշեցնենք, որ այս հարցը բարձրացվեց քննարկման նոյեմբերի 24-ին Բաթումիի «Լեոգրանդ» հյուրանոցում տեղի ունեցած հրդեհից հետո, որի ժամանակ զոհվեց 11 մարդ, 10 Վրաստանի և 1 Իրանի քաղաքացի, վիրավորների քանակը 21-ն էր , որոնցից 1-ը Իսրայելի քաղաքացի էր և 5-ը Թուրքիայի։